Болашақ педагогтардың кәсіби қабілеттерін дамытудың психологиялық-педагогикалық шарттары

Аңдатпа

Бұл мақала болашақ мұғалімдердің кәсіби қабілетін дамытудың психологиялық-педагогикалық шарттарын
анықтауға арналған. Педагогтың кәсіби қабілеті бір деңгейде қалмауы тиіс, ол әлеуметтік, қоғамдық өзгеріске сай
дамып, толығып отыруы керек. Олай болса, мақалада кәсіби қабілеті жоғары педагог тұлғасы үшін өмірлік
болмысында, еңбек жолында үздіксіз даму динамикасы әлемдік немесе отандық стандарттарынан қалыс
қалмайтыны туралы айтылған. Педагог мамандығының жұмысы күрделі кәсіби міндеттерге толы, оларды шешу
үшін жоғары дәрежелі жалпы және кәсіби дайындық қажет. Соған сәйкес студенттердің кәсіби-педагогикалық
қабілеттерін дамыту моделін және оны педагогикалық университеттің оқу процесінде жүзеге асыру керектігі
дәлелденген.